Yerevan Brusov State University of Languages and Social Sciences

 



Friday, 29 June 2018
«ՀԵՔԻԱԹԻ ԱՇԽԱՐՀԸ» ԳՐԱԿԱՆ-ԵՐԱԺՇՏԱԿԱՆ ՄԻՋՈՑԱՌՈՒՄ PDF Print Write e-mail

Հունիսի 29-ին՝ Ֆրանկոֆոնիայի օրերին նվիրված միջոցառումների շրջանակում, Ֆրանկոֆոն հետազոտությունների միջհամալսարանական ակադեմիական նվաճումների կենտրոնը, Հայ-ռուսական (սլավոնական) համալսարանի հետ կազմակերպել էր «Հեքիաթի աշխարհը» գրական-երաժշտական միջոցառումը:

««Երկնքից երեք խնձոր ընկավ. մեկը՝ գրողին, մեկը՝ պատմողին, մեկն էլ՝ հեքիաթը լսողին»: Այսպես են ավարտվում հեքիաթները, սակայն մարդը երբեք չպետք է թողնի, որ կյանքում հեքիաթն ավարտվի»,- իր բացման խոսքում նշեց ՖՀՄԱՆ կենտրոնի ղեկավար Ժակլին Մինասյանը:

Ավելի վաղ ՀՀ մշակույթի նախարար Լիլիթ Մակունցը ֆեյսբուքյան իր էջում տեսաուղերձ էր տեղադրել, որով առաջարկում էր երեխաների պաշտպանության միջազգային օրվա կապակցությամբ, 10 րոպե տրամադրել ու օնլայն տիրույթում հեքիաթ կարդալ որևէ բալիկի համար: Մեկնարկը տվել էր հենց Լ. Մակունցը՝ փոքրիկ Մոնիկայի համար կարդալով «Խոսող ձուկը» հեքիաթը:

ՖՀՄԱՆ կենտրոնն արձագանքելով ՀՀ Մշակույթի նախարար Լիլիթ Մակունցի տեսաուղերձին՝ կազմակերպել էր գեղեցիկ միջոցառում, որի ընթացքում երկու բուհերի ուսանողները ֆրանսերենով հեքիաթ էին կարդում ներկաների համար:

Հայ արձակագիր Լևոն Խեչոյանն ասում էր, որ լսողի և ականջ դնողի միջև մեծ տարբերություն կա, այսինքն` ականջ դնողը պատմության իմաստնությունը սովորողն է, մարդկության` փորձով նվաճված արժեքները առաջ տանողը: Իմաստություն տվողը խնձորներից մեկն է, բայց երեքի ներդաշնակ միասնությունից է հեքիաթի խնձորը իմաստության ոսկե խնձոր դառնում: Հուսանք՝ այսօր ուսանողներին ականջ դնողները կստանան իմաստության ոսկե խնձորը:

36454491_1655581531225541_746768124124069888_n 36376878_1655581454558882_402877510141870080_n

36041941_1655584364558591_1955070135341416448_n 36338107_1655583631225331_8579042898534727680_n 

Նույն օրը ՖՀՄԱՆ կենտրոնը կազմակերպել էր նաև սեմինար՝ «Ուրիշի մշակույթը ներկայացնող գովազդը՝ օտար լեզվի ուսուցման նյութ» խորագրով, որի ընթացքում բանախոսությամբ հանդես եկավ ՖՀՄԱՆ կենտրոնի ղեկավար, բ.գ.թ., դոցենտ Ժակլին Մինասյանը:

Օրը կարելի էր գնահատել արդյունավետ և ուսուցողական, ու եթե հեքիաթում միշտ հաղթում է բարին, ապա այսօր ԵՊԼՀ-ում հաղթեց ֆրանսերենը:


36291758_1655627314554296_8102684051351011328_n 36315613_1655627421220952_5336033369589284864_n 

Read more...

«ԿՈԿԱ-ԿՈԼԱ ՀԵԼԼԵՆԻԿ ԱՐՄԵՆԻԱՅԻ» «ԵՐԻՏԱՍԱՐԴՆԵՐԻ ԶԱՐԳԱՑՈՒՄ» ԵՌԱՄՅԱ ԾՐԱԳՐԻ ՓՈՒԼԵՐԻՑ ՄԵԿՆ ԱՆՑԿԱՎԵՑ ԵՊԼՀ-ՈՒՄ PDF Print Write e-mail

Հունիսի 29-ին Երևանի Վ. Բրյուսովի անվան պետական լեզվահասարակագիտական համալսարանում անցկացվեց «Կյանքի հմտություններ» մեկօրյա դասընթացը որը իրականացվում է «Կոկա-կոլա Հելլենիկ Արմենիա» ընկերության «Երիտասարդների զարգացում» եռամյա ծրագրի շրջանակում:  ԵՊԼՀ Կարիերայի կենտրոնի և Շրջանավարտների միավորման հետ համագործակցության արդյունքում՝ ծրագրի մասնակիցներն այս անգամ հավաքվել էին ԵՊԼՀ-ի հարկի տակ:

ՀՀ կրթության և գիտության նախարարության և «Կոկա-կոլա Հելլենիկ Արմենիա» ընկերության միջև ստորագրված փոխըմբռնման հուշագրի շրջանակում իրականացվող եռամյա այս ծրագիրն ուղղված է երիտասարդության շրջանում գործազրկության նվազեցմանը: Մինչև 2020-ը նախատեսվում է կյանքի և բիզնես հմտությունների դասընթացներով աջակցել 8000 երիտասարդի:

 ԵՊԼՀ-ի ուսումնական գծով պրոռեկտոր Ցոլակ Ակոպյանը, ողջունելով ԵՊԼՀ-ի Կարիերայի կենտրոնի հետ նման համագործակցությունը, ներկաներին հորդորեց մշտապես հետաքրքրվել նման հնարավորություններով: «Նման միջոցառումները կարևոր են հատկապես ուսանողների մասնակցության տեսանկյունից, քանի որ դրանք աշխատաշուկա մուտք գործելու հիանալի հնարավորություն են տալիս՝ զինելով կարևոր հմտություններով»,- նշեց ԵՊԼՀ-ի պրոռեկտորը:

«Երիտասարդության զարգացումը մեր կորպորատիվ սոցիալական պատասխանատվության գործունեության առանցքային ուղղություններից է», - ասաց «Կոկա-Կոլա Հելլենիկ բոթլինգ քամփնի Արմենիա» ընկերության հասարակական կապերի և հաղորդակցության տնօրեն Էլինա Մարգարյանը: Վերջինս, ողջունելով բոլոր մասնակիցներին, հորդորեց նրանց շփվել միմյանց հետ, կիսել իրենց գիտելիքները և խնդիրները:

«Երիտասարդների զարգացում» ծրագրի առաջին փուլում մասնակիցները փորձառու մենթորների օգնությամբ ձեռք են բերում ինքնազարգացման և ինքնագնահատման հմտություններ, այդ թվում՝ մասնագիտական կապերի ստեղծման, հետադարձ կապի, ուղեկցող նամակ և CV գրելու, գործատուին ներկայանալու հմտություններ: Ծրագրի երկրորդ փուլում մասնակիցները կսովորեն բիզնես հմտություններ՝ ժամանակի և նախագծերի կառավարման, հաղորդակցական, բանակցային և վաճառքի հմտություններ, բիզնես պլանավորում, ինչպես նաև ֆինանսական գրագիտություն: Բացի Երևանից՝ դասընթացներն անցկացվում են նաև Շիրակի, Լոռու, Տավուշի, Գեղարքունիքի, Կոտայքի, Արագածոտնի և Սյունիքի մարզերում:

Այն հարցին, թե ինչպիսի ակնկալիքներով է մասնակցում ծրագրին՝ մասնակիցներից մեկը՝ Հայաստանի պետական տնտեսագիտական համալսարանի երրորդ կուրսի ուսանողուհի Աստղիկ Պետրոսյանը, նշեց.  «Մեծ ակնկալիքներ ունեմ: Հուսով եմ, որ ծրագրի շրջանակում ձեռք կբերեմ ինքնազարգացման և ինքնաճանաչման կարևոր հմտություններ, որոնք ապագայում կօգնեն ինձ»:

«Երիտասարդների զարգացում» ծրագրին գրանցումը, դասընթացների համակարգումը, ինչպես նաև կազմակերպչական բոլոր աշխատանքներն իրականացնում և համակարգում է «ԱՅ ԷՅ ԲԻ» միջազգային բիզնես ակադեմիան, որի հիմնական առաքելությունն է ապահովել մարդկային ռեսուրսների զարգացումն ու աճը Հայաստանում և տարածաշրջանում` առաջարկելով մասնագիտական վերապատրաստման և խորհրդատվական ծառայությունների մշտապես նորացվող լայն շրջանակ: «Այ Էյ Բի» բիզնեսի միջազգային ակադեմիայի հաջողության հիմքում շարունակական նորարարությունների կիրառումը, դասընթացը հաճախորդի պահանջներին հարմարեցնելու կարողությունը և դասավանդման երկար տարիների փորձ ունեցող բարձրակարգ մասնագետներն են:

Հավելենք, որ նախագծի իրականացնող «Կոկա-Կոլա Հելլենիկ բոթլինգ քամփնի Արմենիա» ընկերությունն աշխարհում ոչ ալկոհոլային զովացուցիչ ըմպելիքներ արտադրող խոշորագույն ընկերություններից մեկի՝ հայտնի «Կոկա-Կոլա Հելլենիկ բոթլինգ քամփնի» ընկերության մասնաճյուղն է, իսկ Հայաստանում գործունեություն այն ծավալում է դեռ 1996 թվականից: Ընկերությունը Հայաստանում «Կոկա-կոլա ընկերության» միակ լիազորված շշալցնողն է: Բիզնես գործունեությանը զուգահեռ հայ հասարակության պատասխանատու անդամ լինելով` «Կոկա-կոլա Հելլենիկ Արմենիա» ընկերությունը մշտապես նախաձեռնում է կորպորատիվ սոցիալական պատասխանատվության բազմաթիվ ծրագրեր:  


36355406_1655549474562080_1170370513621483520_n 36365597_1655549447895416_180092539976548352_n 36356990_1655549394562088_8724762798061518848_n
36311768_1655549354562092_672160595117604864_n 36315118_1655549024562125_2074385842947751936_n 36407256_1655549257895435_6021469601244643328_n
36374353_1655548974562130_1801375284704837632_n 36387713_1655549167895444_1872742720447971328_n Read more...

BannerBanner
Banner
Banner
Banner
Banner
Banner
Banner