Yerevan Brusov State University of Languages and Social Sciences

 



< October 2018 >
Mo Tu We Th Fr Sa Su
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

News

«Բազմալեզու կրթությունը որպես միջմշակութային փոխըմբռնում ապահովելու նախապայման» խորագրով գիտաժողով

Write e-mail Print PDF

Հոկտեմբերի 4-ին ԵՊԼՀ Մանկավարժության և լեզուների դասավանդման մեթոդիկայի ամբիոնը Երևանի Վահագն Վարդևանյանի անվան N.173 հիմնական դպրոցի հետ կազմակերպել էին ՝ «Բազմալեզու կրթությունը որպես միջմշակութային փոխըմբռնում ապահովելու նախապայման» խորագրով ուսուցիչ-ուսանող համատեղ գիտաժողով՝ նվիրված Եվրոպական լեզուների, ինչպես նաև Ուսուցչի միջազգային օրվան։

Մանկավարժության բաժնի ուսանողները և շրջանավարտները ներկայացրին ուսուցիչների հետ դասախոսների ուղղորդմամբ ՀՀ տարբեր դպրոցներում իրենց իրականացրած տարբեր նախագծային աշխատանքների արդյունքները։ Գիտաժողովին մասնակցում էին դասախոսներ, տարբեր դպրոցներից ուսուցիչներ, ուսանողներ, շրջանավարտներ։ Գիտաժողովի ավարտին ԵՊԼՀ Մանկավարժության և լեզուների դասավանդման մեթոդիկայի ամբիոնի վարիչ Լ. Միլիտոսյանի և Երևանի թիվ 173 հիմնական դպրոցի տնօրեն Ն. Մատինյանի կողմից մասնակիցներին հանձնվեցին վկայակագրեր։ Գիտաժողովի ավարտին շնորհակալական խոսքով հանդես եկավ պատվավոր հյուր ԵՊԼՀ շրջանավարտ Ն. Ահարոնյանը, որը ներկայացրեց նաև Հայաստանում և ԱՄՆ-ում իր բազմամյա հարուստ մանկավարժական ակտիվ գործունեության փորձը։


43677181_1056309091214690_5991070548573028352_n 43639669_176825116574795_7297841630013292544_n

՝

 

ԵՊԼՀ –ն հյուրընկալել է Գերմանիայի Դաշնային Հանրապետության դեսպան Մաթիաս Քիսլերին

Write e-mail Print PDF

Երևանի Վ. Բրյուսովի անվան պետական լեզվահասարակագիտական համալսարանի ռեկտոր Կարինե Հարությունյանը  հոկտեմբերի 5-ին ընդունեց ՀՀ-ում Գերմանիայի Դաշնային Հանրապետության արտակարգ և լիազոր դեսպան Մաթիաս Քիսլերին:

ԵՊԼՀ նիստերի դահլիճում տեղի ունեցած հանդիպմանը ներկա էին նաև Արտաքին կապերի և միջազգային համագործակցության վարչության պետ Ք. Ծատուրյանը, Թարգմանության և միջմշակութային հաղորդակցման ֆակուլտետի դեկան Հ. Ճանճապանյանը, ԵՊԼՀ գերմաներենի ամբիոնի վարիչ Է. Ղազարյանը, Ավստրիական գրադարանի գիտական ղեկավար Լ. Սաֆարյանը, գերմաներեն դասավանդող դասախոսներ և ուսանողներ: «Գերմաներենի օրեր Հայաստանում» միջոցառումների շրջանակում տեղի ունեցած այս հանդիպման ընթացքում պարոն Քիսլերը ընթերցեց հատվածներ Բերնհարդ Շլինկի «Ընթերցողը» վեպից:

Միջոցառմանը ներկա էր նաև եպի հայերեն թարգմանիչ Գայանե Գինոյանը, որը հատվածներ ներկայացրեց հայերեն թարգմանությունից:

Հանդիպման սկզբում ԵՊԼՀ ռեկտորը ողջունեց հյուրերին. «Ուրախ ենք ողջունել Ձեզ ԵՊԼՀ-ում: ԵՊԼՀ-ն կարևորում է գերմանայի դեսպանատան  հետ համգործակցությունը:  Մենք պատրաստակամ ենք էլ ավելի ընդլայնելու այդ կապերը: 45-ից ավելի լեզուներով թարգմանված միջազգային բեստսելլերը համարվում է գերմանական գրականության ամենաճանաչված ստեղծագործություններից մեկը: Պատահական չէ, որ 2008 թվականին Շլինկի ‹‹Ընթերցողը›› վեպի հիման վրա նկարահանված համանուն դրաման նոմինացվել է Ամերիկյան կինոակադեմիայի «Օսկար» մրցանակաբաշխության 5 անվանակարգերում»- նշեց ԵՊԼՀ ռեկտորը::

Դեսպանը շնորհակալություն հայտեց ԵՊԼՀ ղեկավարությանը հանդիպման համար և հույս հայտնեց, որ նման հանդիպումների արդյունքում նոր ծրագրեր ու գաղափարներ կծնվեն, որոնք կամրապնդեն համագործակցությունը:

ԵՊԼՀ ռեկտորը վստահություն հայտնեց, որ ԵՊԼՀ-ի և դեսպանատան միջև սկիզբ առած համագործակցությունը առավել կնպաստի երկու ժողովուրդների միջև միջազգային կապերի ամրապնդմանն ու զարգացմանը:

Հանդիպումից հետո պատվիրակության անդամներն այցելեցին նաև Ֆրանց Վերֆելի անվան ավստրիական գրադարան, որտեղ գրադարանի գիտական ղեկավար Լ. Սաֆարյանը, ներկայացնելով գրադարանը, փաստեց 4000-ից ավել գերմանալեզու գրականության առկայության կարևորությունը գերմաներեն ուսումնառողների համար:


IMG_9965 IMG_9967 IMG_9975 
IMG_9970 IMG_9976 IMG_9980

Երևանի Վ. Բրյուսովի անվան լեզվահասարակագիտական համալսարանի դասախոսները թարգմանել են Էմանուել Մակրոնի «Հեղափոխություն» գիրքը

Write e-mail Print PDF

Հոկտեմբերի 3-ին՝ Ֆրանկոֆոնիայի համաշխարհային XVII համաժողովին ընդառաջ, Հայաստանում Ֆրանսիայի դեսպանատանը տեղի ունեցավ Ֆրանսիայի նախագահ Էմանուել Մակրոնի «Հեղափոխություն» գրքի հայերեն տարբերակի շնորհանդեսը: Սա գիրք է, որը վաճառվել է երկու միլիոն օրինակով, դարձել բեսթսելլեր, թարգմանվել եվրոպական գրեթե բոլոր լեզուներով, իսկ այժմ՝ արդեն հայերենով: «Հեղափոխությունն» առաջին եվրոպական քաղաքական բեսթսելլերն է, որը հրատարկվում է հայերեն: Թարգմանիչների խումբը, որի կազմում էին մեր համալսարանի շրջանավարտ, ճանաչված լրագրող Արտակ Հերիքյանը և ռոմանական լեզուների ամբիոնի դոցենտներ Ժակլին Մինասյանն ու Հասմիկ Գրիգորյանը, երեք շաբաթ անքուն գիշերներ է անցկացրել գիրքն ընթերցողի դատին հավուր պատշաճի ներկայացնելու համար: Գիրքը պարզ, հասկանալի, նույնիսկ ժողովրդական լեզվով` բարդ քաղաքական թեմաների մասին է: Սա գիրք է, հատկապես իշխանավորների ու այդ իշխանավորներին ընտրողների ընթերցանության համար:

Շնորհանդեսին բացման խոսքով հանդես եկավ ՀՀ-ում Ֆրանսիայի դեսպան Ջոնաթան Լաքոթը. «Սա Մակրոնի ընտրարշավը ներկայացնող գիրք է: Մակրոնն արդեն մեկ տարի նախագահ է, ուստի՝ սա նաև այսօրվա Ֆրանսիայի մասին գիրք է: Այն Ֆրանսիայի, որը համաշխարհային թատերաբեմում ուզում է ակտիվ մասնակցություն ունենալ»,-ասաց նա:

‹‹Եթե ուզում եք ճանաչել Ֆրանսիայի նոր նախագահին, որն ընդամենը մեկ շաբաթից գալու է Հայաստան, ուրեմն՝ կարդացեք այս գիրքը: Մակրոնն իր «Հեղափոխություն» գրքում պատմում է իր կյանքի, իր նախընտրական արշավի ու Ֆրանսիայի մասին պատկերացումների մասին: Այն նաև պետական համակարգերը փոխելու, կարծրատիպերը կոտրելու մասին է: Ու չնայած սա ֆրանսիական ներքաղաքական իրադարձութունների մասին պատմող գիրք է, այն շատ համահունչ է հայաստանյան այսօրվա հեղափոխական թոհուբոհին»,- իր խոսքում նկատեց Ժակլին Մինասյանը:

IMG_3151 IMG_3148
IMG_3145 IMG_3144

Ա. Սոլժենիցինի 100-ամյակին նվիրված գիտաժողով ԵՊԼՀ-ում

Write e-mail Print PDF

Երևանի Վ. Բրյուսովի անվան պետական լեզվահասարակագիտական համալսարանի Ռուսաց լեզվի և մշակույթի կենտրոնի նախաձեռնությամբ բուհում մեկնարկեց  ռուս արձակագիր, հրապարակախոս, հասարակական գործիչ, Նոբելյան մրցանակի դափնեկիր Ա. Սոլժենիցինի 100-ամյակին նվիրված գիտաժողովը:

Բացման խոսքով հանդես եկավ ԵՊԼՀ  ռեկտոր Կարինե Հարությունյանը՝ ողջունելով ներկաներին. ‹‹Ա. Սոլժենիցինի 100-ամյակին նվիրված գիտաժողովի անցկացման գաղափարը պատկանում է մեր բուհի պրոֆեսոր, ռուսագիտության վետերան պարոն Միխայիլ Ամիրխանյանին. մարդ, որը հայտնի է ոչ միայն մեր երկրում, այլև՝ նրա սահմաններից դուրս: Հենց նրա շնորհիվ է, որ պարբերաբար գիտաժողովներ են անցկացվում՝ նվիրված ռուս գրողներին ու նրանց գրական ժառանգությանը: Այսօր տարբեր երկրների առաջատար գրականագետներ են հյուրընկալվել ԵՊԼՀ-ի հարկի տակ՝ ուսումնասիրելու Սոլժենիցինի գրական ժառանգության խնդիրները: Մեզ համար հատկապես կարևոր է, որ այսօրվա երիտասարդ ընթերցողը հաղորդակից լինի Սոլժենիցինի գործերին, ճանաչի նրա հեղինակած ստեղծագործությունները: Ես ուսումնասիրել եմ գիտաժողովի մասնակիցների արդեն իսկ տպագրված նյութերի ժողովածուն և կարող եմ վստահությամբ փաստել, որ թեմատիկան կարդարացնի բոլորիս սպասելիքները: Այս գիտաժողովը մեծ ներդրում է ոչ միայն Սոլժենիցինի գրական ժառանգության ուսումնասիրության հարցում, այլև՝ մեր երկու ժողովուրդների դարավոր բարեկամության համար››,-նշեց ԵՊԼՀ-ի ռեկտորը:

Ողջույնի խոսքով հանդես եկավ նաև Հայաստանի Գրողների միության միակ ռուսալեզու հայկական գրական-գեղարվեստական հասարակական և քաղաքական ամսագրի՝ «Գրական Հայաստան»-ի փոխխմբագիր Սերգեյ Մուրադյանը: Գրականագետը ողջունեց ներկաներին. ‹‹Մենք այսօր այստեղ հավաքվել ենք քննարկելու ռուս հայտնի արձակագրի, մեծանուն անհատի ստեղծագործություններ, որոնք մարդկային գիտակցության ու պատկերացումների հեղափոխություն են կատարել: Այսօր անդրադառնում ենք մի գրողի, որի անունը պատմության մեջ է դրոշմվել հավերժ,-նշեց  Սերգեյ Մուրադյանը:

Պրոֆեսոր Միխայիլ Ամիրխանյանի խոսքով՝ գիտաժողով անցկացնելու միտքը եղել է վաղուց՝ դեռ 2014 թվականին, երբ Ռուսաստանի նախագահ Վլադիմիր Պուտինը հրամանագիր ստորագրեց «Ա. Սոլժենիցինի 100-ամյա հոբելյանը նշելու մասին»:

 ‹‹ՀՀ նախագահ պարոն Արմեն Սարգսյանի կողմից հատուկ ուղերձ ունենք. սա, ըստ էության, առաջին դեպքերից է, որ նման բարձր ատյանից հատուկ ողջույն ունենք, որն, ի դեպ, տեղ է գտել մեր գիտաժողովի նյութերի արդեն իսկ տպագրված ժողովածուի մեջ: Հատուկ ուղերձ ունենք նաև ՀՀ կրթության և գիտության նախարար Արայիկ Հարությունյանի կողմից: Նշեմ, որ գիտաժողովը շարունակական է. այսօր այն  տեղի է ունենալու մեր բուհում, վաղը՝ Մանուկ Աբեղյանի անվան գրականության ինստիտուտում, իսկ հաջորդ օրն արդեն գիտաժողովը կհյուրընկալվի Վանաձորի պետական համալսարանում››,-նշեց պրոֆեսորը:

Հավելենք, որ գիտաժողովի  շրջանակում 8 համաձայնագրեր են կնքվել տեղական համալսարանների և Ռուսաստանի առաջատար բուհերի հետ:

IMG_9951 IMG_9955 IMG_9956

  IMG_9973 IMG_9970  IMG_9995

Վիեննայի տղաների երգչախումբը ԵՊԼՀ-ում

Write e-mail Print PDF

Հոկտեմբերի 3-ին ԵՊԼՀ-ի Ավստրիական գրադարան էր այցելել աշխարհահռչակ Վիեննայի տղաների երգչախումբը: Երգչախմբի այցը բուհ ողջունեց ԵՊԼՀ-ի ռեկտոր Կարինե Հարությունյանը.

‹‹Ես անկեղծորեն ուրախ եմ  Երևանի Վ. Բրյուսովի անվան պետական լեզվահասարակագիտական համալսարանում  ողջունելու և հյուրընկալելու աշխարհահռչակ Վիեննայի տղաների երգչախմբին, որը, հինադրվելով 1948 թվականին և,     լինելով աշխարհի հնագույն մշտապես գործող խմբերից մեկը,  մշակութային մեծ հետք է թողել պատմության մեջ: Երգչախմբի կազմում երգել են Մոցարտը, Սալիերին, Հայդնը, Շուբերտը, երգչախմբի հետաշխատել և համագործակցել են Բախը և Բեթհովենը: 83-ամյա մեր կրթական հաստատությունն ունի դարավոր ավանդույթներ, հարուստ պատմություն և համարվում է ավստրիական մշակույթը ներկայացնող լավագույն օջախներից մեկը: Մեր բուհում 2010 թվականից գործում է իր տեսակով բացառիկ Ավստրիական գրադարանը: Ավստրիական գրադարանը Հայաստանում ավստրիական մշակույթի յուրատիպ կենտրոն է: Այն մշտապես կազմակերպում է գրական ընթերցումներ, դասախոսություններ, գիտաժողովներ, ֆիլմերի ցուցադրություններ, ցուցահանդեսներ, մշակութային ամենատարբեր միջոցառումներ: Այսօրվա Ձեր այցը ասվածի ամենավառ ապացույցներից մեկն է››,-նշեց ԵՊԼՀ-ի ռեկտորը:

Այցի շրջանակում Վիեննայի տղաների երգչախմբի փոքրիկ կատարողները ԵՊԼՀ-ի բակում հանդես եկան նաև երաժշտական գեղեցիկ կատարմամբ:

Հավելենք, որ Վիեննայի տղաների հանրահայտ երգչախումբը «Երևանյան հեռանկարներ» միջազգային երաժշտական փառատոնի շրջանակում ելույթ կունենա հոկտեմբերի 4-ին՝ «Արամ Խաչատրյան» համերգասրահում: Համերգի ծրագրում կհնչեն Գալուս, Հենդել, Հայդն, Մենդելսոն, Շուբերտ, Մոխնիկ, Շեչինսկի, Կոմիտաս, Յոզեֆ Շտրաուս, Յոհան Շտրաուս, Բիլի Ջոյել, ժողովրդական երգեր, հատվածներ հայտնի մյուզիքլներից:



42992031_2266579720037953_433821233386094592_o 43059078_2266585186704073_4414815201593917440_o 42988343_2266585496704042_2076469851274084352_o 43074489_2266584950037430_595417848889737216_o 43138766_2266579683371290_2323752550391611392_o 43146025_2266585670037358_3698395569786454016_o

Page 1 of 75

  • «
  •  Start 
  •  Prev 
  •  1 
  •  2 
  •  3 
  •  4 
  •  5 
  •  Next 
  •  End 
  • »
BannerBanner
Banner
Banner
Banner
Banner
Banner
Banner