Երևանի Վ. Բրյուսովի անվան պետական լեզվաբանական համալսարանը համարվում է Հայաստանի Հանրապետությունում և տարածաշրջանում լեզվական կրթություն ապահովող լավագույն բարձրագույն ուսումնական հաստատություններից մեկը: Մեր բուհը քաջալերում է բոլոր արտասահմանցի ուսանողներին դիմել և սովորել այստեղ, քանի որ մեր կարևորագույն առաքելություններից է միջմշակութային հաղորդակցության ապահովումը և լեզվական բազմազանության շնորհիվ բազմալեզու և բազմամշակույթ միջավայրի ստեղծումը:
ԵՊԼՀ միջազգային կապերի բաժինը սահմանված կարգով օժանդակում է օտարերկրյա քաղաքացիներ հանդիսացող ուսանողներին և դասախոսներին ժամանակավոր կացության քարտերի համար անհրաժեշտ փաստաթղթերի ձևակերպման և ստացման հարցում:
ԵՊԼՀ արտասահմանցի ուսանողներն ու դասախոսները Հայաստանի Հանրապետությունում ժամանակավոր կացության կարգավիճակ ստանալու համար պետք է ներկայացնեն հետևյալ փաստաթղթերը.
1. Անձնագրի թարգմանությունը՝ նոտարի վավերացումով + 1 պատճեն
2. Բժշկական տեղեկանք ՀՀ որևէ հիվանդանոցից կամ պոլիկլինիկայից
3. 3 լուսանկար՝ 3/4 չափի
Հավելյալ տեղեկությունների համար խնդրում ենք դիմել 416, 417 սենյակներ, զանգահարել (+37410) 53-55-50 (ներ. 1-24), (+37410) 53-55-50 (ներ. 2-13) հեռախոսահամարներով կամ գրել intrel@brusov.am, intrel_officer@brusov.am, intrel_officer1@brusov.am էլ. հասցեներին:
