Արագ հղում

Yerevan Brusov State University of Languages and Social Sciences

 



Դուք այստեղ եք` Գլխավոր » Կառուցվածք » Կենտրոններ » Եվրախորհրդի լեզվակրթական ծրագրերի իրականացման կենտրոն » Նորություններ և իրադարձություններ

Նորություններ և իրադարձություններ

Նամակ գրել Տպել PDF

relang-logo-online

<<Օտար լեզուների ծրագրերի համապատասխանեցումը լեզուների իմացության համաեվրոպական համակարգի մակարդակներին>> թեմայով եռօրյա սեմինար-վերապատրաստումը (մարտի 29-31, 2017թ.) տեղի ունեցավ Երևանի Վ. Բրյուսովի անվան պետական լեզվահասարակագիտական համալսարանում ԺԼԵԿ-ի փորձագետներ Յոզե նոյժոնի և Գաբոր Շաբոյի մասնակցությամբ: Սույն նախաձեռնությունն իրականացվել է Ժամանակակից լեզուների եվրոպական կենտրոնի և Եվրոպական հանձնաժողովի միջև կնքած համագործակցության համաձայնագրի շրջանակներում: Թվով 39 մասնակից Կրթության ազգային ինստիտուտից, միջնակարգ և ավագ դպրոցներից, բուհերից և լեզվի կենտրոններից ՀՀ տարբեր մարզերից վերապատրաստվեցին օտար լեզուների ծրագրերի կառուցման սկզբունքների, դրանց արժանահավատության և հավասարության հարցերի շուրջ, սովորեցին կիրառել օժանդակ նյութեր տարբեր թիրախային խմբերի համար Լեզուների լեզուների իմացության համաեվրոպական համակարգի մակարդակներին համապատասխան:

Միջոցառման բացման հանդիսավոր արարողությանը ԼԻՀՀ-ի դերը ՀՀ լեզվակրթական քաղաքականության զարգացման համար կարևորեց ՀՀ կրթության և գիտության նախարարի տեղակալ Կարինե Հարությունյանը, ով նաև նշեց, որ ՀՀ ուսումնական հաստատությունների լեզուների  ուսուցիչները պետք է սովորեն համապատասխանեցնել ծրագրերը ԼԻՀՀ-ի մակարդակներին:

Սեմինար-վերապատրաստումը շատ արդյունավետ էր, և հետագայում կստեղծվի առցանց հարթակ մասնակիցների համար՝ գաղափարների փոխանակման և համագործակցությունը տեղի փորձագետների միջև շարունակելու նպատակով: Վերապատրաստման պատասխանատուն՝ ԵՊԼՀ գիտության և միջազգային կապերի գծով պրոռեկտոր Լուսինե Ֆլջյանը, խոսեց լեզվական և միջմշակութային կրթության որակի բարձրացման նպատակով մեր երկրում և Երևանի Վ. Բրյուսովի անվան պետական լեզվահասարակագիտական համալսարանում նմատատիպ միջոցառումների կազմակերպման և անցկացման կարևորության և անհրաժեշտության մասին: 
 







carap«Լեզուներին և մշակույթներին բազմակի մոտեցումների համակարգ» ծրագրի                      պատասխանատուների հանդիպում ԺԼԵԿ-ում

   Ս.թ. դեկտեմբերի 18-ից 19-ը կենտրոնի ներկայացուցիչներ Ա. Ազարյանը և Մ. Խշվեջյանը մասնակցեցին «Անդամ-երկրների համար վերապատրաստում և խորհրդատվություն» ծրագրի շրջանակներում ԺԼԵԿ-ի կազմակերպած FREPA ծրագրի պատասխանատուների հանդիպմանը: Հանդիպման շրջանակներում քննարկվեցին հաջորդ տարի Հայաստանում կայանալիք միջազգային համաժողովի կազմակերպման մանրամասները, փորձագետների հետ միասին մշակվեց գործողությունների ծրագիր:

  •  Համաժողովի անցկացման տեղը և վայրը՝ ԵՊԼՀ, հոկտեմբեր 2014
  • Ակնկալվող մասնակիցները՝ ՀՀ ԿԳՆ ներկայացուցիչներ, ուսուցիչ վերապատրաստողներ, կրթակարգ կազմողներ, ուսուցիչներ և դասախոսներ:
  • Համաժողովի նպատակը՝ նպաստել բազմալեզու և միջմշակութային կրթության հայեցակարգի ներդրմանը ՀՀ կրթական համակարգում:

 


EDL_image_3 Լեզուների եվրոպական օրը ԵՊԼՀ-ում


 IMG_6105Ս.թ. սեպտեմբերի 26-ին ԵՊԼՀ Ուսխորհուրդը և ԵԽ լեզվակրթական ծրագրերի իրականացման 
կենտրոնը կազմակերպեցին Լեզուների եվրոպական օրվան նվիրված միջոցառում, որին մասնակցում էին ԵՊԼՀ ղեկավարության, պրոֆեսորադասախոսական կազմի, կառուցվածքային ստորաբաժանումների ներկայացուցիչներ, ուսանողներ: Միջոցառման ընթացքում խոսվեց Լեզուների եվրոպական օրվա նպատակների և նշանակության մասին, հնչեցին ուշագրավ փաստեր տարբեր լեզուների վերաբերյալ, ուսանողների մատուցմամբ կատարվեցին տարբեր ազգերի երգեր: Միջոցառման ավարտին մասնակիցներին հանձնվեցին ԼԵՕ հուշանվերներ, որոնք նրանց շարունակ կհիշեցնեն բազմալեզվության և բազմամշակութայնության դերի և կարևորության մասին:

IMG_6093 
IMG_6057IMG_6073

IMG_6122Օրվա երկրորդ կեսին ԵՊԼՀ նիստերի փոքր դահլիճում մանկավարժության և լեզուների դասավանդման մեթոդիկայի ամբիոնը կազմակերպեց Եվրոպական լեզուների միջազգային օրվան նվիրված կլոր սեղան` «Լեզուների դասավանդման դրվածքը հանրակրթական և այլընտրանքային դպրոցներում» թեմայով: 

Միջոցառման մասնակիցներին բացման խոսքով ողջունեց մանկավարժության և լեզուների դասավանդման մեթոդիկայի ամբիոնի վարիչ, մ.գ.թ., դոցենտ Լ. Խ. Միլիտոսյանը:

Զեկույցներով հանդես եկան ԵՊԼՀ Եվրախորհրդի լեզվական ծրագրերի իրականացման կենտրոնի ղեկավար Ա. Ազարյանը, մանկավարժության և լեզուների դասավանդման մեթոդիկայի ամբիոնի դոցենտ,մ.գ.թ. Ս. Պ. Ասատրյանը, Երևանի «Արեգնազան» կրթահամալիրի ուսուցիչ Ա. Աթայանը: Ելույթներից հետո հնչեցին տարաբնույթ հարցեր, ծավալվեց հետաքրքիր քննարկում:

Միջոցառմանը ներկա էին ԵՊԼՀ դասախոսներ, աշխատակիցներ, ուսանողներ, ասպիրանտներ և հայցորդներ, ինչպես նաև Երևանի մի քանի դպրոցների ուսուցիչներ: 


IMG_5867
Լեզուներին և մշակույթներին բազմակի մոտեցումների համակարգ
միջազգային համաժողով ԵՊԼՀ-ում
Արդյունքների ամփոփում

 

ԵՊԼՀ Լեզվակրթական ծրագրերի իրականացման կենտրոնը և Ժամանակակից լեզուների եվրոպական կենտրոնը ս.թ. սեպտեմբերի 10-ից 11-ը անցկացրեցին համատեղ միջազգային համաժողով ծրագրի շրջանակներում:

Համաժողովը վարեցին ԺԼԵԿ-ի փորձագետներ և FREPA ծրագրի համահեղինակներ Միշել Կանդելյեն և Աննա Շրյոդեր-Զուրան, ովքեր անցկացրեցին մի շարք փոխկապակցված խմբային աշխատանքներ հետևյալ թեմաների շուրջ՝ լեզուների հանդեպ զգացողության արթնացում, լեզուների միջև փոխըմբռնում, համընդհանուր դիդակտիկա, սովորում ենք սովորել և միջմշակութային մոտեցում: Համաժողովներից երկուսը փորձագետների հետ միասին վարեցին ԵՊԼՀ դասախոսներ Մարինե Խառատյանը և Ազատուհի Աբրահամյանը:

Picture_025

Համաժողովի մասնակիցների, որոնց թիվը ավելի քան 70-ն էր, հիմնականում ուսուցիչներ, դասախոսներ և ուսանողներ էին, ովքեր հետաքրքրված էին լեզուների և մշակույթների բազմակողմանի մոտեցումներն ուսումնասիրելու և տարածելու գաղափարով: Համաժողովի երկու օրերի ընթացքում նրանք ակտիվորեն մասնակցեցին խմբային աշխատանքներին, որոնք հաջորդեցին FREPA գործիքակազմի համակողմանի ներկայացմանը և նպատակ ունեին մասնակիցներին զինել գիտելիքով և գործնական հմտություններով:



Ամփոփիչ քննարկման ընթացքում ԺԼԵԿ-ի փորձագետները և ԵԽ լեզվակրթական ծրագրերի իրականացման կենտրոնի ղեկավարը կոչ արեցին մասնակիցներին ստեղծել ծրագրային ցանց, որը որպես կամուրջ կծառայեր FREPA-ի շրջանակներում ԺԼԵԿ-ի հետ հետագա համագործակցության համար:
IMG_5784
Համաժողովը եզրափակվեց ԵՊԼՀ գիտության և միջազգային կապերի գծով պրոռեկտոր Լ. Ֆլջյանի կողմից շնորհակալագրերի և մասնակցության վկայականների շնորհման հանդիսավոր արարողությամբ: 







«ԼԵԶՈՒՆԵՐԻՆ ԵՎ ՄՇԱԿՈՒՅԹՆԵՐԻՆ ԲԱԶՄԱԿԻ ՄՈՏԵՑՈՒՄՆԵՐԻ ՀԱՄԱԿԱՐԳ» ՄԻՋԱԶԳԱՅԻՆ ՀԱՄԱԺՈՂՈՎ ԵՊԼՀ-ՈՒՄ
carap
ECML_logo


ԵՊԼՀ Եվրախորհրդի լեզվակրթական ծրագրերի իրականացման կենտրոնը ԵԽ ժամանակակից լեզուների եվրոպական կենտրոնի հետ միասին կազմակերպելու է միջազգային համաժողով ԺԼԵԿ փորձագետների մասնակցությամբ «Լեզուներին և մշակույթներին բազմակի մոտեցումների համակարգ» (carap.ecml.at) ծրագրի շրջանակներում: Համաժողովի նպատակն է մասնակիցներին ծանոթացնել ԺԼԵԿ-ի կողմից մշակված լեզվի ուսուցման բազմակողմանի մոտեցումներին և ՀՀ կրթության համակարգում դասավանդման նորագույն մեթոդների կիրառման միջոցով նպաստել միջմշակութային հաղորդակցության և բազմալեզվության տարածմանը: Համաժողովը տեղի կունենա ս.թ. սեպտեմբերի 10-11-ին ԵՊԼՀ-ում:

Լեզուներին և մշակույթներին բազմակի մոտեցումների համակարգը ԵԽ անդամ երկրների աչքերով
 

CARAP_Group_photo
2012թ. նոյեմբերի 21-23-ին Ավստրիայի Գրաց քաղաքում տեղի ունեցավ գիտաժողով  ծրագրի վերաբերյալ, որը նույն թվականի մայիս-հունիս ամիսների ընթացքում վերը նշված ծրագրի շուրջ տեղի ունեցած հանդիպման տրամաբանական շարունակությունն էր: Գիտաժողովին մասնակցում էին ԵԽ մի շարք երկրներից ներկայացուցիչներ, այդ թվում՝ ՀՀ-ից՝ ԵՊԼՀ Եվրախորհրդի լեզվակրթական ծրագրերի իրականացման կենտրոնը: Եռօրյա գիտաժողովի ժամանակ ներկայացվեցին տարբեր երկրների լավագույն փորձը, ծրագրի իրականացման ուղղությամբ տարված աշխատանքներն ու ծրագրի առավելությունները բազմալեզվության տարածման խնդրում: Հանդիպման ժամանակ նաև ներկայացվեցին ԵԽ Ժամանակակից լեզուների եվրոպական կենտրոնի (ժԼԵԿ) կայքում ԵԽ մի շարք անդամ երկրների լեզուներով տեղադրված տեղեկատվությունը CARAP/FREPA ծրագրի վերաբերյալ, որոնց մի մասը դեռևս գտնվում է մշակման փուլում՝ հայերենով տեղադրված նյութը՝ ներառյալ: Մայրենի լեզվով անհրաժեշտ և օգտակար տեղեկատվության տեղադրումը կայքում կնպաստի տվյալ երկրում վերոհիշյալ ծրագրի վերաբերյալ իրազեկության բարձրացմանն ու մատչելիությանը բազմալեզվությամբ և միջմշակութային հաղորդակցությամբ հետաքրքրվող բոլոր կողմերի համար:



EDL_pic_longjpgP9180040

carap

Լեզուների եվրոպական օր + Լեզուներին և մշակույթներին բազմակի մոտեցումների համակարգ (European Day of Languages + A Framework of Reference for Pluralistic Approaches to Languages and Cultures)

ԵՊԼՀ-ն այս տարի` 2012թ. սեպտեմբերի 26-ին, հերթական անգամ նշեց Լեզուների եվրոպական օրը: Այդ կապակցությամբ Եվրախորհրդի լեզվակրթական ծրագրերի իրականացման կենտրոնը կազմակերպեց համաժողով, որին ներկա էին Երևանի տարբեր դպրոցներից օտար լեզու դասավանդող ուսուցիչներ: Համաժողովը բաղկացած էր տեղեկատվական և գործնական մասերից: Սեմինարի տեղեկատվական հատվածում ներկայացվեցին եվրոպական օրվա նպատակները, ինչպես նաև դրա կարևորությունը միջմշակութային հաղորդակցման և բազմալեզվության տարածման հարցում, ինչպես Եվրոպայում, այնպես էլ ՀՀ-ում: Հաջորդիվ ներկայացվեց ԵԽ ծրագրերից մեկը` նախատեսված դպրոցական կրթական ծրագրերի համար, որով էլ պայմանավորված է սեմինարի թիրախային խմբի` օտար լեզվի ուսուցիչների ընտրությունը: Սեմինարի գործնական մասը վարեց ԵՊԼՀ անգլերենի քերականության և հնչյունաբանության ամբիոնի դասախոս Մ. Խառատյանը, որի ժամանակ կատարվեցին մի շարք հետաքրքրիր ինտերակտիվ, գործնական աշխատանքներ (warm-up, ice-breaking activities etc.):

Սեմինարի ավարտին մասնակիցներին տրվեցին մասնակցության վկայականներ, ինչպես նաև ԵԽ-ի կողմից տրամադրած փոքրիկ հուշանվերներ: Ուսուցիչները հույս հայտնեցին, որ նմանատիպ միջոցառումները կկրեն շարունակական բնույթ:


ECMLՀամաժողով Ավստրիայի Գրաց քաղաքում 
 

2012թ. մայիսի 31-ից հունիսի 1-ը ԵՊԼՀ Եվրախորհրդի լեզվակրթական ծրագրերի իրականացման կենտրոնը (ներկայացուցիչ` կենտրոնի ղեկավարի ժ/պ` Անի Շահինյան) մասնակցեց Ավստրիայի Գրաց քաղաքում Եվրախորհրդի Ժամանակակից լեզուների եվրոպական կենտրոնի կողմից կազմակերպած համաժողովին: Սեմինարը նախատեսված էր ԵԽ ԺԼԵԿ-ի անդամ երկրների ազգային ներկայացուցիչների համար և վերաբերում էր FREPA ծրագրին: Սեմինարը վարում էին Միշել Կանդելիերը, Աննա Շղոդեր-Սուրան, Փեթղա Ջիլլիյարդը, Իլդիկո Լյողինցը, Քրիստոֆեր Ալլենը, ինչպես նաև ԺԼԵԿ-ի գործադիր տնօրեն Վալդեմար Մարտինյուկը, ովքեր ողջունեցին սեմինարի մասնակիցներին և ներկայացրին CARAP/FREPA ծրագիրը: Երկօրյա հանդիպման գլխավոր նպատակն էր ազգային ներկայացուցիչներին ներկայացնել վերոնշյալ ծրագիրը և տեղեկացնել բոլոր շահագրգիռ կողմերին` ուսուցիչներ, ուսուցիչ վերապատրաստողներ, կրթական ծրագրեր և դասագրքեր կազմողներ:
 

IMG_2107Գիտաժողով` Եվրախորհրդի փորձագետներ Ջոզեֆ Շիլսի և Ժան-Կլոդ Բեակկոյի գլխավորությամբ

2011թ. մայիսի 9-ին և 10-ին ԵՊԼՀ-ն երկօրյա գիտաժողով վարելու կապակցությամբ ուրախ էր հյուրընկալել Եվրախորհրդի փորձագետներ Ջոզեֆ Շիլսին և Ժան-Կլոդ Բեակկոյին: Գիտաժողովը կրում էր խորագիրը: Գիտաժողովին իրենց ակտիվ մասնակցությունը ցուցաբերեցին ԵՊԼՀ պրոֆեսորադասախոսական կազմը, կրթության ազգային ինստիտուտի ներկայացուցիչները: Գիտաժողովին արծարծվեցին լեզվակրթության ոլորտին առնչվող մի շարք հիմնախնդիրներ, ինչպիսիք են լեզվաքաղաքականությունը, բազմալեզվությունը, Լեզուների իմացության համաեվրոպական համակարգի ուսումնառության, դասավանդման և գնահատման խնդիրների տեղայնացումը ՀՀ կրթական համակարգում: Նման համագործակցությունները նպաստում են Հայաստանում լեզվակրթական ոլորտի մի շարք խնդիրների արդյունավետ լուծումներ գտնելուն և բազմալեզվության տարածմանը:

IMG_0915 Գիտաժողով ԵԽ ԺԼԵԿ-ի գործադիր տնօրեն Վ. Մարտինյուկի հետ

2011թ. մարտի 11-ին և 12-ին ԵՊԼՀ-ն ողջունեց Եվրախորհրդի Ժամանակակից լեզուների եվրոպական կենտրոնի (ԺԼԵԿ) գործադիր տնօրեն Վալդեմար Մարտինյուկին, ով ժամանել էր Հայաստան` մասնակցելու «Սովորում ենք լեզուների միջոցով» խորագրով գիտաժողովին: Գիտաժողովին ներկա էին ՀՀ տարբեր բուհերի ներկայացուցիչներ, ԵՊԼՀ ամբիոնի վարիչներ, դասախոսներ: Գիտաժողովի ընթացքում Վ. Մարտինյուկը ողջունեց ԵՊԼՀ ակտիվ մասնակցությունը ԺԼԵԿ-ի գործունեության մեջ, ներկայացրեց ԺԼԵԿ-ի առկա և իրականացվելիք լեզվակրթական ծրագրերի շարքը: Նա հույս հայտնեց, որ ԺԼԵԿ-ի գործունեությունը կնպաստի հայկական համատեքստում առկա լեզվակրթական մի շարք հիմնախնդիրների լուծմանը:
 
EDL_image_3Մենք հարուստ ենք լեզուներով

2011թ. սեպտեմբերի 27-ին ԵՊԼՀ Եվրախորհրդի լեզվակրթական ծրագրերի իրականացման կենտրոնը, որի գործունեության ոլորտներից է նպաստել ժամանակակից լեզուների ուսումնառությանը, դասավանդմանն ու գնահատմանը, կազմակերպեց գիտաժողով` նվիրված Լեզուների եվրոպական օրվան: 2001թ.-ից ի վեր` ԵՊԼՀ-ն ակտիվորեն համագործակցում է Եվրախորհրդի Լեզվաքաղաքականության վարչության և Ժամանակակից լեզուների եվրոպական կենտրոնի (ԺԼԵԿ) հետ: Վերջինիս կողմից սեպտեմբերի 26-ը հռչակվել է Լեզուների եվրոպական օր, որն ամեն տարի նշվում է ԵՊԼՀ-ի կողմից:
Գիտաժողովում ընդգրկված էին տարբեր լեզուներով զեկույցներ բազմալեզվության, միջմշակութային հաղորդակցման, օտար լեզուների դասավանդման և նման այլ թեմաների շուրջ: Նմանատիպ գիտաժողովները հաճախակի են անցկացվում ԵՊԼՀ-ում և միտում ունեն տարեցտարի ընդլայնել իրենց շրջանակները` ընդգրկելով զանազան լեզուներով ներկայացված զեկույցներ ու քննարկումներ: Գիտաժողովի մասնակիցներին շնորհվեցին մասնակցության վկայականներ:

IMG_4458Մենք նշում ենք Լեզուների եվրոպական օրը


2011թ. սեպտեմբերի 26-ին ԵՊԼՀ-ը, ինչպես և նախորդ տարիներին, նշեց Լեզուների եվրոպական օրը: ԵՊԼՀ Եվրախորհրդի լեզվակրթական ծրագրերի իրականացման կենտրոնի և Ուսխորհրդի համատեղ ուժերով կազմակերպվեց միջոցառում` լեզուների և մշակույթների բազմազանության խորհրդանիշ դարձած այս տոնի առիթով: Միջոցառման ընթացքում ԵՊԼՀ մի շարք տաղանդավոր ուսանողներ ներկայացրին տարբեր ազգերի ու մշակույթների երգեր: Միջոցառմանը ներկա էին ԵՊԼՀ ուսանողները, պրոֆեսորադասախոսական կազմը, տարբեր լրավտամիջոցների ներկայացուցիչներ:

K._HarutyunyanՕտար լեզվի դասավանդման խնդրի լուծմանն ուղղված քայլեր


2011թ. հունիսի 8-ին ԵՊԼՀ-ում տեղի ունեցավ «Իրազեկության մակարդակի բնութագրիչներ» թեմայով համաժողով` ԿԳ փոխնախարար Կարինե Հարությունյանի գլխավորությամբ: Համաժողովի ընթացքում քննարկվեցին օտար լեզուների դասավանդման ու իրազեկության մակարդակի, լեզվակրթական քաղաքականության արդի խնդիրները, ինչպես նաև Եվրախորհրդի կողմից մշակված Լեզուների իմացության համաեվրոպական համակարգը ՀՀ կրթության ոլորտում տեղայնացնելու խնդիրը, որում հատկանշական է հատկապես ԵՊԼՀ մանկավարժական պրոֆեսորադասախոսական կազմի կողմից ցուցաբերած շարունակական աջակցությունը:


EDL_image_1Լեզուների եվրոպական միջազգային օր

2010թ. սեպտեմբերի 27-ին ԵՊԼՀ նշեց ԵԽ Ժամանակակից լեզուների եվրոպական կենտրոնի (ԺԼԵԿ) կողմից հռչակված Լեզուների եվրոպական օրը: ԵՊԼՀ-ը կարևորում է միջազգային այս օրը և մշտապես միջոցառումներ է իրականացնում այդ օրվա կապացկությամբ: Այս տարի անցկացվեցին ռուսական և ֆրանսիական մշակույթներին նվիրված միջոցառում և «Օտար լեզուների դասավանդումը բազմալեզու միջավայրում» գիտամեթոդական համաժողովը: Արդեն ավանդույթ դարձած կարգով ուսանողներին, ամբիոններին և այլ ստորաբաժանումներին տրվեցին Գրացի ԺԼԵԿ-ի կողմից տրամադրած պաստառներ և հուշանվերներ:
 
KhoseԵՊԼՀ – ԺԼԵԿ համատեղ գիտաժողով

2010թ. հունիսի 17-19-ին ԵՊԼՀ-ը Եվրախորհրդի Ժամանակակից լեզուների եվրոպական կենտրոնի հետ համատեղ անցկացրեց գիտաժողով «Օտար լեզվի քննությունների համապատասխանեցումը Լեզուների իմացության համաեվրոպական համակարգին» թեմայով` հաշվի առնելով ՀՀ կրթական համակարգում աշակերտների և ուսանողների լեզվական գիտելիքների գնահատման գործընթացում իրականացվող բարեփոխումների կարևորությունն ու արդիականությունը: Եռօրյա գիտաժողովի համակարգողը ԵԽ Ժամանակակից լեզուների եվրոպական կենտրոնի փորձագետ, «Օտար լեզվի քննությունների համապատասխանեցումը Լեզուների իմացության համաեվրոպական համակարգին» միջնաժամկետ ծրագրի աշխատանքային թիմի ղեկավար Խոսե Նոյջոնսն էր, ով սիրով համաձայնեց իր հարուստ փորձն ու գիտելիքները փոխանցել Հայաստանի գործընկերներին: Գիտաժողովին մասնակցում էին Հայաստանի բարձրագույն և հանրակրթական ուսումնական մի շարք հաստատությունների օտար լեզուների դասավանդման ոլորտի շուրջ 40 առաջատար մասնագետներ:
 
ԲաններԲաններ
Բաններ
Բաններ
Բաններ
Բաններ
Բաններ
Բաններ