E-mail: cnferevan@brusov.am
Ֆրանկոֆոնիայի թվայնացված տեղեկատվական կենտրոնը ԵՊԼՀ–ի ինքնուրույն կառուցվածքային ստորաբաժանում է, որի հիմնական նպատակը տեղեկատվական և հաղորդակցման տեխնոլոգիաների միջոցով կատարվող գիտահետազոտությունների և կրթական գործընթացի արդիականացումն է:
Կենտրոնը ստեղծվել է Ֆրանկոֆոն համալսարանների ասոցիացիայի նախաձեռնությամբ և գործում է 2008թ.–ի սեպտեմբերի 1–ից:
Կենտրոնի նպատակներն են
- Հայաստանի հանրությանը իրազեկել Ֆրանկոֆոն համալսարանների ասոցիացիայի գործունեության և նրա բոլոր ծրագրերի մասին:
- Հատուկ տեղեկատվական ցանցի միջոցով առավել մատչելի դարձնել տարատեսակ բնույթի, ինչպես նաև դասավանդման գործընթացին վերաբերող էլեկտրոնային նյութերը ևփաստաթղթերը:
- Համատեղ աշխատանք կատարել գործընկեր համալսարանների հետ առկա դասընթացները լրացնող on-line ռեժիմով գործող նյութերի շտեմարան ստեղծելու նպատակով:
- Աստիճանաբար, տեղական մակարդակում, համակարգից օգտվելու համար պատրաստել դասախոսներին օժանդակող մասնագետներ ցանցի կառուցվածքին տեղեկանալու, կայքեր ստեղծելու և, մասնավորապես, էլեկտրոնային դասընթացներ ստեղծելու նպատակով:
- Աջակցել գիտահետազոտական և մեթոդական ուսումնասիրությունների իրականացմանը և ապահովել դրանց միջազգային տարածումը:
- Ստեղծել on-line ռեժիմով դասընթացներ, որոնք հնարավոր կլինի ներդնել հեռավար ուսուցման մեջ միջհամալսարանական դիպլոմ կամ դիպլոմներ ձեռք բերելու նպատակով:
- Բուհական ուսուցման և գիտահետազոտական աշխատանքների արդիակնացման նպատակով մատչելի դարձնել գիտական ամսագրերում և պարբերականներում, ինչպես նաև այլ աղբյուրներում զետեղված տեղեկությունները:
- Նպաստել գիտական համագործակցությանը` պաշտպանելով մասնակիցների հեղինակային իրավունքները:
Գործունեության ուղղություններն են
- Իրազեկել ԵրՊԼՀ–ի և Հայստանում գործող այլ ուսումնական և գիտահետազոտական հաստատությունների ուսանողներին և գիտաշխատողներին կենտրոնի հնարավորությունների և օգտվելու կարգի մասին:
- Օժանդակել ԵրՊԼՀ–ի և Հայաստանի այլ բուհերի ուսանողներին և դասախոսներին գիտահետազոտական աշխատանքների ընթացքում:
- Ծառայություններ մատուցել հեռավար ուսուցում իրականացնող անձանց ուսուցման և քննությունների անցկացման ընթացքում:
- Կապեր հաստատել տարածաշրջանի այլ կենտրոնների հետ:
Կենտրոնից օգտվելու կարգը
Կենտրոնը բաց է համալսարանի տարբեր անդամների և համալսարանից դուրս այն մարդկանց համար, ովքեր դրա ծառայություններից օգտվելու կարիքն ունեն£Այն նախատեսված է ՖՀԱ–ի անդամ հաստատությունների ուսանողների, դասավանդողների և գիտահետազոտողների համար, ովքեր ուզում են ծանոթանալ մասնավորապես սկզբնաղբյուրներին և օգտվել տեխնիկական և գիտական տվյալների շտեմարաններից:
Կենտրոնի ծառայությունները վճարովի են` հազար դրամ տարեկան անդամավճար և երկու եվրոյին համարժեք դրամ պատվիրված յուրաքանչյուր փաստաթղթի համար:
