Արևելյան լեզուների ամբիոն

ԱՐԹՈՒՐ ՀՐԱՉԻԿԻ ԻՍՐԱՅԵԼՅԱՆ

Ամբիոնի հիմնադիր-ղեկավար

1997-2004թթ. սովորել է ԵՊՀ արևելագիտության ֆակուլտետի արաբագիտության բաժնում: 2004-2007թթ. սովորել և ավարտել է Դամասկոսի համալսարանի բանասիրության և հումանիտար գիտությունների ֆակուլտետի պատմության բաժնի ասպիրանտուրան: 2010թ. հունիսից ղեկավարում է ԵՊԼՀ արևելյան լեզուների ամբիոնը: Պ.գ.թ. (2007թ.), դոցենտ (2011թ.):

ԱՄԲԻՈՆԻ ՄԱՍԻՆ

Վերջին տասնամյակում Հայաստանի Հանրապետությունը դրական առաջխաղացում արձանագրեց արևելյան երկրների հետ իր դիվանագիտական հարաբերությունների զարգացման ոլորտում: Ուստի արևելյան լեզուներ տիրապետող մասնագետների պահաջարկի աճը հանգեցրեց ԵՊԼՀ-ում արևելյան լեզուների ամբիոն ստեղծելուն: Մի կենտրոն, ուր ուսանողները կարող են ավելի լուրջ ուսումնասիրություններ կատարել արևելյան երկրների լեզուների, կրոնի, ավանդույթների և գիտական այլ բնագավառներում: Մինչ արևելյան լեզուների ամբիոնի ստեղծումը /2010թ. մարտ/ ԵՊԼՀ-ում գործում էր արևելյան լեզուների կենտրոնը, որտեղ դասավանդվում էին հետևյալ լեզուները՝ արաբերեն, կորեերեն, հինդի, չինարեն և պարսկերեն: Եվ արդեն 2010թ. հունիսին այն վերափոխվեց արևելյան լեզուների ամբիոնի` իր մեջ ներառելով նաև թուրքերեն, վրացերեն և ճապոներեն լեզուները: 2011թ. սեպտեմբերից ամբիոնում սկսվեց դասավանդվել նաև եբրայերենը։ Ամբիոնին կից գործում են իրանագիտության, հնդկերենի և կորեերենի կաբինետները: 2010 թվականից արևելյան լեզուների ամբիոնը պարբերաբար կազմակերպում է դասալսումներ՝ օտարերկրյա դեսպանատների և հիմադրամների ներկայացուցիչների մասնակցությամբ։

ԱՄԲԻՈՆԻ ԿԱՆՈՆԱԴՐՈՒԹՅՈՒՆԸ

էլ. հասցեն։ mashrak@brusov.am

543909 ներքին 160