ՄԱՆԿԱՎԱՐԺՈՒԹՅԱՆ ԵՎ ԼԵԶՈՒՆԵՐԻ ԴԱՍԱՎԱՆԴՄԱՆ ՄԵԹՈԴԻԿԱՅԻ ԱՄԲԻՈՆ

ԱՄԲԻՈՆԻ ՊԱՏՄՈՒԹՅՈՒՆԻՑ

Մինչև 1997 թ. մանկավարժության և օտար լեզուների դասավանդման մեթոդիկայի ամբիոնները գործել են առանձին:

Մանկավարժության և լեզուների դասավանդման մեթոդիկայի միացյալ ամբիոնը կազմավորվել է 1997 թ.:

Օտար լեզուների դասավանդման մեթոդիկայի ամբիոնը ղեկավարել են`

1968-1972 թթ.` դոցենտ Գ. Մ. Անդրեասյանը
1972-1982 թթ.` մ.գ.թ., դոցենտ Մ. Գ. Աստվածատրյանը
1983-1988 թթ.` դոցենտ Ա. Մ. Քեշիշյանը:
1997թ-ից առ այսօր մանկավարժության և լեզուների դասավանդման մեթոդիկայի ամբիոնը ղեկավարում է մ.գ.դ., պրոֆ. Մելանյա Գրիգորիի Աստվածատրյանը:

ԱՄԲԻՈՆԻ ՎԱՐԻՉ

Մ. Գ. Աստվածատրյան
մանկավարժական գիտությունների դոկտոր, պրոֆեսոր

ՌԴ մանկավարժական և սոցիալական գիտությունների ակադեմիայի իսկական անդամ (2007թ.-ից)

ԵՊՀ-ի 009 մասնագիտական խորհրդի անդամ

ԵՊԼՀ-ի 059 մասնագիտական խորհրդի անդամ

Ղազախստանի Աբիլայ Խանի անվան միջազգային լեզուների և միջազգային հարաբերությունների պետական համալսարանի պատվավոր պրոֆեսոր և Դ - 14.08.04 գիտական կոչումներ շնորհող մասնագիտական խորհրդի անդամ (Ալմաթի)

Մ.Գ. Աստվածատրյանը մեր երկրում և արտասահմանում հրատարակված շուրջ 155 գիտական աշխատությունների, այդ թվում` 2 մենագրությունների, 7 կոլեկտիվ մենագրությունների, տարրական և միջին դպրոցների համար ուսումնական ծրագրերի, չափորոշիչների, բազմաթիվ դասագրքերի, ձեռնարկների և բառարանների հեղինակ է:

Մ.Գ. Աստվածատրյանի գիտական հետազոտություններն ու աշխատությունները նվիրված են երկլեզվության, բազմալեզվադիդակտիկայի, եվրադիդակտիկայի, օտար լեզուների ուսուցման տեսության և պրակտիկայի, ուսուցիչների որակավորման, կրթության ռազմավարության և մեթոդների, օտար լեզուների դասավանդման դպրոցական ծրագրերի, թվային և տեղեկատվական տեխնոլոգիաների կիրառման, մանկավարժության մեթոդիկայի և օտար լեզուների յուրացման ստուգման, գնահատման այլընտրանքային միջոցների զարգացման և այլ հարցերի:

Մ.Գ. Աստվածատրյանը վարում է նաև ակտիվ հասարակական գործունեություն.

ՀՀ ԿԳՆ Կրթության ազգային ինստիտուտի գերմաներենի առարկայական հանձնաժողովի նախագահ

Եվրախորհրդի` Հայաստանում «Եվրոպական լեզվական թղթապանակ» ծրագրի համակարգող

Հայաստանում Գերմանագետների և գերմաներենի ուսուցիչների ասոցիացիայի նախագահ

Հայաստանում Գերմանական ուսումնամշակութային կետրոնի նախագահ:

Վերջին տարիների ընթացքում Հայաստանում և արտասահմանում մասնակցել է շուրջ 15 միջազգային գիտաժողովների և սեմինարների:

1999-2006 թթ. մասնակցել է Այռեքսի` տարրական դպրոցի բարեփոխման և ուսուցիչների վերապատրաստման ծրագրի աշխատանքներին (ԱՄՆ Ջորջ Վաշինգտոն համալսարան, փետրվար-մայիս 1999 թ.), 1999-2006թթ. աշխատել է այդ ծրագրի իրականացման խմբում` Հայաստանում:
2004 թվականի մարտ-ապրիլ ամիսներին «Փրոջեքթ Հարմոնի» կազմակերպության` «Տեղեկատվական-հաղորդակցական տեխնոլոգիաների կիրառումը հանրակրթական դպրոցում» ծրագրի շրջանակներում հետազոտական աշխատանք է կատարել ԱՄՆ Օհայո նահանգի Քենթի պետական համալսարանում:

2005 թ. արժանացել է «Մովսես Խորենացի» մեդալի:

ԱՄԲԻՈՆԻ ԳԻՏԱԿԱՆ ՀԵՏԱԶՈՏՈՒԹՅՈՒՆՆԵՐԻ ՀԻՄՆԱԿԱՆ ՈՒՂՂՈՒԹՅՈՒՆՆԵՐԸ

Մանկավարժություն

Կրթության փիլիսոփայություն
Մանկավարժության ժամանակակից նորարարական մոտեցումներ, տեսական և գործնական խնդիրներ
Մանկավարժական գործունեության մեթոդաբանություն
Դաստիարակության ժամանակակից տեսություններ
Հումանիստական մանկավարժություն
Սոցիալական մանկավարժություն
Էթնոմանկավարժություն
Էկոմանկավարժություն
Հաղորդակցական մանկավարժություն
Կրթության և դաստիարակության ժամանակակից մանկավարժական տեխնոլոգիաներ
Հատուկ/ներառական կրթություն
Շարունակական կրթություն
Մանկավարժական այլընտրանքային տեխնոլոգիաներ
Մեդիակրթություն

Լեզուների դասավանդման մեթոդիկա

Լեզուների ուսուցուցումն ու ուսումնառությունը Եվրոպական լեզվակրթության քաղաքականության համատեքստում
Բազմալեզվություն
Եվրադիդակտիկա
Միջմշակութային ուսուցում
Գրավոր և բանավոր հաղորդակցման իրազեկությունների ձևավորում
Եվրոպական Լեզվական Թղթապանակը (ELP) որպես ինքնակրթության, ինքնագնահատման և ինքնաստուգման գործիք ողջ կյանքի ընթացքում
Մանկավարժ ուսանողների Եվրոպական թղթապանակ (EPOSTL)
Գնահատման մեթոդաբանություն
ՏՀՏ-ների (Web 2.0) կիրառում
Հայերենը՝ որպես երկրորդ/օտար լեզու

Հոգեբանություն

Տարիքային հոգեբանություն
Անձի զարգացման հոգեբանություն
Զարգացնող ուսուցման հոգեբանություն
Մանկավարժական հոգեբանություն
Էթնոհոգեբանություն
Սոցիալական հոգեբանություն

Էլ. փոստ`

- Այս էլ.փոստի հասցեն պահպանված է spam bots-երից, պետք է JavaScript-ին հնարավորություն տալ դիտելու համար
- Այս էլ.փոստի հասցեն պահպանված է spam bots-երից, պետք է JavaScript-ին հնարավորություն տալ դիտելու համար