Ուսումնական վարչություն

Ուսումնական վարչության պետը նույն ինքը ուսումնական գծով պրոռեկտորն է` Գոհար Ավետիսյանը:

Ուսումնական վարչությունը կազմավորվել է 2011 թվականին և ընդգրկում է հետևյալ կառուցվածքային ստորաբաժանումները` ուսումնական գործընթացի դիտարկման բաժինը, լրացուցիչ և շարունակական կրթության կենտրոնը, կարիերայի կենտրոնը, Եվրախորհրդի լեզվակրթական ծրագրերի իրականացման կենտրոնը և ՅՈՒՆԵՍԿՕ-ի կրթության կառավարման և պլանավորման ամբիոնը:

Ուսումնական վարչության գործառույթներն են.

բակալավրիատում և մագիստրատուրայում ուսումնական գործընթացի պլանավորման, կազմակերպման և վերահսկման համակարգում,

ուսումնական գործընթացին մասնակցող կառուցվածքային ստորաբաժանումների աշխատանքների կազմակերպում,

կրթական բարեփոխումների համակարգում,

բակալավրիատի և մագիստրատուրայի ուսումնական պլանների ու առարկայական ծրագրերի կատարման վերահսկում,

ամբիոնային ծանրաբեռնվածությունների ստուգում և կատարման վերահսկում,

բակալավրիատի և մագիստրատուրայի դասացուցակների ստուգում ու լսարանային ֆոնդի պլանավորում, լսարանային ֆոնդի օգտագործման արդյունավետության վերահսկում,

պետական քննական հանձնաժողովների աշխատանքների կազմակերպում,

կրթության և գիտության նախարարության համար ուսումնական գործընթացին վերաբերող տեղեկատվական-վիճակագրական տվյալների նախապատրաստում,

ուսանողների ուսումնաարտադրական, գիտաարտադրական պրակտիկայի կազմակերպում, համապատասխան կազմակերպությունների հետ պայմանավորվածությունների ձեռք բերում և պայմանագրերի կնքում,

ուսումնական տարվա ընթացքում ուսանողների տեղափոխությունների, 2-րդ մասնագիտության գծով ընդունելության կազմակերպում,

պրոֆեսորադասախոսական անձնակազմի որակավորման բարձրացման, մասնագիտական վերապատրաստման և լրացուցիչ կրթության կազմակերպման համակարգում,

պրոֆեսորադասախոսական անձնակազմի գործունեության ինքնագնահատման և գնահատման գործընթացի կազմակերպում,

օտարերկրյա համալսարանների, միջազգային կազմակերպությունների, հիմնադրամների ու այլ միջազգային հաստատությունների հետ համատեղ ուսումնական, կրթական և այլ բնույթի միջազգային ծրագրերի իրականացում` ելնելով համալսարանի ռազմավարական զարգացման պահանջներից ու կարիքներից,

ուսանողների գիտելիքների միջանկյալ և ամփոփիչ քննությունների անցկացման վերահսկում, նրանց ընթացքում կիրառվող թեստերի Լեզուների իմացության համաեվրոպական համակարգի չափանիշներին համապատասխանության մշտադիտարկում,

Եվրախորհրդի լեզվակրթությանն առնչվող ուսումնամեթոդական փաստաթղթերի, նյութերի և գործիքների ներդրում ԵրՊԼՀ-ում,

ժամանակակից լեզուների ուսումնառության, դասավանդման և գնահատման ոլորտում Եվրախորհրդի հետ համագործակցության ընդլայնում,

աշխատաշուկայում ԵրՊԼՀ ուսանողների և շրջանավարտների մրցունակության զարգացում, շրջանավարտների և համալսարանի միջև մշտական կապի ամրապնդում ու համագործակցության զարգացում, ԵրՊԼՀ շրջանավարտների միության հետ սերտ համագործակցություն, համատեղ ծրագրերի իրականացում: