|
Օտար լեզուների իմացությունն այսօր դարձել է ոչ միայն առավելություն և անհրաժեշտություն, այլև ժամանակակից աշխարհում հաջողության հասնելու գրավական: Ժամանակակից պայմաններում կրթական համակարգերի փոփոխությունները ենթադրում են նաեւ օտար լեզուների ուսուցման հետ կապված նոր համակարգային մոտեցումներ ու լուծումներ, ուստի ֆակուլտետի ընտրած ուղին է դասախոսական համակազմի ողջ ներուժը ուղղորդել դեպի ուսուցման այնպիսի գործընթացի ստեղծումը, որի արդյունքում կապահովվի բազմալեզու մանկավարժների ու լեզվաբանների պատրաստվածության պատշաճ մակարդակ:
Օտար լեզուների ֆակուլտետը (ՕԼՖ) վերաստեղծվել է 2004 թվականին՝ նախկինում համալսարանում գործող Օտար լեզուների (1-2-րդ կուրսեր) և Ռոմանագերմանական լեզուների (3-5-րդ կուրսեր) ֆակուլտետների միավորման արդյունքում:
Օտար լեզուների ֆակուլտետն այսօր Վ. Բրյուսովի անվան պետական լեզվաբանական համալսարանի ամենամեծ ֆակուլտետն է, որտեղ ուսում է ստանում շուրջ 2000 ուսանող: Ֆակուլտետի առաքելությունն է պատրաստել օտար լեզուների իմացությամբ բարձրակարգ մանկավարժներ ու լեզվաբաններ, որոնք մրցունակ կլինեն թե' հայաստանյան և թե' արտերկրի աշխատաշուկայում: Օտար լեզուների ֆակուլտետի և վերջինիս կազմում ընդգրկված ստորաբաժանումների նպատակն է ուսանողի համար ապահովել գիտահետազոտական պատշաճ մակարդակ, մշակել ու առաջնորդվել լեզուների իմացության համաեվրոպական չափանիշներին համապատասխան նոր ծրագրերով ու դասավանդման գործընթացի նոր մոտեցումներով, որոնք կնպաստեն ֆակուլտետում սովորող ուսանողի լեզվական հմտությունների և իրազեկությունների ձևավորմանն ու զարգացմանը: |
Կենտրոններ
Ամբիոններ
Հրապարակումներ
Ռեկտոր
Ֆակուլտետներ
ՕՏԱՐ ԼԵԶՈՒՆԵՐԻ ՖԱԿՈՒԼՏԵՏ
|
