Топ ссылки

Yerevan Brusov State University of Languages and Social Sciences

 



< Апрель 2018 >
Пн Вт Ср Чт Пт Сб Вс
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Новости

ՊԱՐԳԵՎԱՏՐՈՒՄՆԵՐ ԵՊԼՀ ԴԱՍԱԽՈՍՆԵՐԻՆ

Написать письмо Печать PDF

Ուրախ ենք հայտնել, որ համաձայն Հայաստանի Հանրապետության պաշտպանության նախարար Վիգեն Սարգսյանի՝ միջազգային օլիմպիադայի օտար լեզվի եզրափակիչ փուլին մասնակցած անձանց խրախուսելու թիվ 331 հրամանի՝ ս.թ. մարտի 26-ից 31-ը Դիլիջան քաղաքում «Մոնթե Մելքոնյանի անվան ռազմամարզական վարժարան» հիմնադրամի բազայի վրա ԱՊՀ մասնակից պետությունների բարձրագույն կրթական հաստատությունների կուրսանտների միջև անցկացված միջազգային օլիմպիադայի օտար լեզվի (անգլերենի) եզրափակիչ փուլի նախապատրաստական աշխատանքներին կամավոր սկզբունքով աջակցություն ցուցաբերելու, ինչպես նաև ժյուրիի և բողոքարկման հանձնաժողովների կազմերում արդյունավետ աշխատանքի համար խրախուսելու նպատակով պատվոգրերով են պարգևատրվել Երևանի Վ. Բրյուսովի անվան պետական լեզվահասարակագիտական համալսարանի անգլերենի ամբիոնի ավագ դասախոսներ Արևիկ Արշալույսի Բաբայանը, Նինա Հակոբի Մնացականյանը, ինչպես նաև անգլերենի ամբիոնի դասախոս, մանկավարժական գիտությունների թեկնածու Սոնա Ռաֆայելի Այվազյանը:

ՇՆՈՐՀԱԿԱԼԱԳՐԵՐ՝ ԵՊԼՀ ՈՒՍԱՆՈՂՆԵՐԻՆ

Написать письмо Печать PDF

2017 թվականին ՀՀ-ում անցկացված միջբուհական և հանրապետական մարզական խաղերին ԵՊԼՀ-ի ուսանողները մասնակցել և բազմաթիվ հաջողություններ են գրանցել, մասնավորապես՝ 18-րդ հանրապետական ուսանողական մարզական խաղերի ժամանակ վոլեյբոլի աղջիկների մրցաշարում ԵՊԼՀ-ն ներկայացնող թիմը գրավել է 1-ին, սեղանի թենիսի աղջիկների մրցաշարում՝ 2-րդ, աղջիկների աթլետիկական հնգամարտում՝ 2-րդ և շախմատի աղջիկների մրցաշարում կիսել է 3-րդ և չորրորդ տեղերը:

ԵՊԼՀ-ի գիտական խորհրդի հ. 7 նիստի ժամանակ ԵՊԼՀ-ի ռեկտորի որոշմամբ շնորհակալագրերով պարգևատրվեցին 2017 թվականին ՀՀ-ում անցկացված միջբուհական և հանրապետական մարզական խաղերին հաջողություններ գրանցած ուսանողները, ինչպես նաև ԵՊԼՀ-ի ֆիզկուլտուրայի և քաղաքացիական պաշտպանության ամբիոնը վերոնշյալ մարզական խաղերում ԵՊԼՀ-ի ուսանողների մասնակցությունն ապահովելու համար:

Շնորհավորում և շնորհակալություն ենք հայտնում ԵՊԼՀ-ի ուսանողներին իրենց գրանցած հաջողությունների համար: Շնորհակալագրերով պարգևատրված 18 ուսանողների ցանկը ներկայացված է ստորև: 

Վոլեյբոլ

 

  1. Սահակյան Սոնա- մագ. 1-ին կուրս, ԹՄՀՖ
  2. Մարգարյան Սվետլանա- բակ. 1-ին կուրս, ՌՕԼՖ
  3. Մկրտչյան Աննա- բակ. 2-րդ կուրս, ԹՄՀՖ
  4. Ազոյան Իզաբելլա- բակ. 2-րդ կուրս, ԹՄՀՖ
  5. Սաքոյան Քրիստինե- բակ. 2-րդ կուրս, ՍԳՍՖ
  6. Մուշեղյան Նարե-բակ. 2-րդ կուրս, ՌՕԼՖ
  7. Հարությունյան Լարիսա- բակ. 2-րդ կուրս, ՌՕԼՖ
  8. Կարապետյան Էդիտա- բակ. 3-րդ կուրս, ԹՄՀՖ
  9. Մարտիրոսյան Տաթև- մագ. 3-րդ կուրս, ԿՄՄՖ
  10. Օրդիյանց Վարսենիկ- 2017 թ-ի շրջանավարտ

 

Շախմատ

 

  1. Հակոբյան Անի- բակ. 4-րդ կուրս, ԹՄՀՖ (նաև սեղանի թենիսի մասնակից)
  2. Խաչատրյան Մանուշ- բակ. 2-րդ կուրս, ՍԳՍՖ
  3. Սարգսյան Մերի- բակ. 3-րդ կուրս, ԹՄՀՖ
  4. Պողոսյան Նելլի- բակ. 4-րդ կուրս, ՍԳՍՖ

Սեղանի թենիս

  1. Ազարյան Մարիետա- բակ. 2-րդ կուրս, ԿՄՄՖ
  2. Պետրոսյան Արմինե- բակ. 2-րդ կուրս, ՌՕԼՖ

 

Աթլետիկական հնգամարտ

  1. Հովհաննիսյան Ռիմա- բակ. 3-րդ կուրս, ՌՕԼՖ
  2. Դարբինյան Մանե- բակ. 3-րդ կուրս, ԹՄՀՖ
30653009_2087529438158850_6858359002665844736_n 30688663_2087529148158879_3119403002981515264_n 30709866_2087528938158900_7547318481893457920_n

ԵՊԼՀ - ՀՀ ՊՆ ՀԱՄԱԳՈՐԾԱԿՑՈՒԹՅՈՒՆԸ ՇԱՐՈՒՆԱԿՎՈՒՄ Է

Написать письмо Печать PDF

 Երևանի Վ. Բրյուսովի անվան պետական լեզվահասարակագիտական համալսարանի և Հայաստանի Հանրապետության պաշտպանության նախարարության շարունակական համագործակցության արդյունքում ապրիլի 12-ին տեղի ունեցավ «Կանայք, որոնք փոխել են աշխարհը» խորագիրը կրող միջոցառում:

ԵՊԼՀ-ի անգլերենի ամբիոնի նախաձեռնությամբ կազմակերպված այս միջոցառման շրջանակում անգլալեզու զեկույցներով հանդես եկան ԵՊԼՀ-ի ուսանողները, ՀՀ ՊՆ Վազգեն Սարգսյանի անվան ռազմական և ՀՀ ՊՆ Մարշալ Արմենակ Խամփերյանցի անվան ռազմական ավիացիոն համալսարանների կուրսանտները: Սեմինարի մասնակիցներն անդրադարձան պատմության մեջ նշանակալի դեր ունեցած կանանց` ներկաներին հաղորդակից դարձնելով կնոջ անհավանական ուժի, հաստատակամության և տոկունության ապացույց պատմություններին:

ԵՊԼՀ ռեկտոր Կարինե Հարությունյանը, ողջունելով ներկաներին, կարևորեց ԵՊԼՀ - ՀՀ ՊՆ երկկողմ համագործակցությունը և դրա արդյունքում ծնված միջոցառումները:

Սեմինարի ավարտին լավագույն երկու զեկույցներով հանդես եկած մասնակիցներն արժանացան նվեր քարտերի: ԵՊԼՀ-ի անգլերենի ամբիոնի վարիչի ժամանակավոր պաշտոնակատար, բանասիրական գիտությունների դոկտոր Գայանե Եղիազարյանը, շնորհակալություն հայտնելով մասնակիցներին և ներկաներին, նշեց. «Շատ դժվար է ընտրել լավագույն երկուսին: Կարծում եմ` կհամաձայնեք, որ սա խոսում է սեմինարի մասնակիցների բարձր պատրաստվածության մասին»:

Սեմինարը համեմված էր երաժշտական գեղեցիկ կատարումներով` ԵՊԼՀ-ի ուսանողների և ռազմական համալսարանների կուրսանտների մասնակցությամբ:

Հավելենք, որ երկկողմ համագործակցության շրջանակում բուհն իրականացնում է օտար լեզու ուսուցանող դասախոսների վերապատրաստումներ և օտար լեզուների դասավանդման ծրագրերի, ուսումնական մեթոդների արդիականացում վերոնշյալ ուսումնական հաստատություններում:

30232271_10209384004911772_1315584928_o_1 30223878_10209384004831770_504572005_o 30232572_10209384009991899_1756577854_o
30547203_10209384012111952_1689398716_o 30550729_10209384011671941_877219094_o IMG_0119
IMG_0109 IMG_0113 IMG_0124

ԴԱՍԱԽՈՍՈՒԹՅՈՒՆ՝ ԱՎՍՏՐԻԱԿԱՆ ԳՐԱԴԱՐԱՆՈՒՄ

Написать письмо Печать PDF

 

    IMG_2580  IMG_2585
    IMG_2612  IMG_2641_1


Ապրիլի 11-ին  Ավստրիայի դեսպանության և Ավստրիայի արտգործնախարարության մշակույթի վարչության հետ համագործակցության շրջանակներում ԵՊԼՀ-ում Ֆրանց Վերֆելի անվան Ավստրիական գրադարանը հյուրընկալել էր ավստրիացի լրագրող և հրապարակախոս  Բարբարա  Դենշերին, որը Հայաստանի մասին բազմաթիվ հրապարակումների հեղինակ է: Միջոցառման մեկնարկին բանախոսին և հյուրերին ողջունեց  Գերմաներենի ամբիոնի դոցենտ, Ավստրիական գրադարանի գիտական ղեկավար Լ. Սաֆարյանը: Բարբարա  Դենշերը ներկայացրեց «Մշակութային կյանքը Ավստրիայի Առաջին հանրապետության տարիներին» խորագրով զեկույցը: Զեկույցը նվիրված էր Ավստրիայի Առաջին Հանրապետության հարյուրամյակին:  Բանախոսն իր զեկուցման մեջ առանցքային գծերով ներկայացրեց Առաջին Հանրապետության մշակութային կյանքը, նրա զարգացումները և փոփոխությունները տարբեր բնագավառներում: Նա խոսեց Ավստրիայի մշակույթի մասին  մինչև Առաջին համաշխարհային պատերազմը և դրանից հետո։ Ներկաները հնարավորություն ունեցան լսել նոր մանրամասներ և վերհիշել արդեն իմացածը։ Սա Բարբարա Դենշերի հերթական դասախոսությունն էր. նրա համագործակցությունը Հայաստանի՝ մասնավորապես Ավստրիական գրադարանի  հետ ունի տարիների պատմություն: Ինչպես ինքն է խոստովանում. «Առաջին անգամ Հայաստանի հետ իմ ծանոթությունը տեղի ունեցավ 2000թ.-ին, երբ ամուսնուս հետ 5 օրով այցելեցի Երևան: Ես շատ սիրեցի Երևանը, Հայաստանը ու հասկացա, որ էլի պետք է վերադառնամ այստեղ»։ Բարբարա Դենշերը  տիրապետում է հայերենին, հայերի մասին ունի տպագրած մի քանի գրքեր, իսկ հայաստանյան նրա դասախոսությունները մեծ արձագանք ու սեր են վայելում:

 «Ես այնքան սիրեցի Հայաստանը, որ սկսեցի ուսումնասիրել ձեր մշակույթը, զգացի, որ ձեր մշակույթը հասկանալու համար պետք է իմանալ ձեր լեզուն և որոշեցի սովորել հայերեն։ Շատ սիրեցի հայերենը։ Դուք շատ սիրուն, հետաքրքիր երկիր ունեք և շատ սիրուն լեզու։ Ես սիրում եմ Հայաստանը և հայերենը»-մեզ հետ զրույցում հավելեց լրագրողը։ 

Բարբարա Դենշերը հանդիպման ավարտին հավաստիացրեց, որ նա Հայաստան կվերադառնա կրկին:
Հավելենք, որ ապրիլի12-ին Բարբարա Դենշերը վարպետության դաս է անցկացրել ԵՊԼՀ ուսանողների համար:

ԵՊԼՀ-Ն «ԿՐԹՈՒԹՅՈՒՆ ԵՎ ԿԱՐԻԵՐԱ էՔՍՊՈ-2018» ՑՈՒՑԱՀԱՆԴԵՍԻ ՄԱՍՆԱԿԻՑ

Написать письмо Печать PDF

Ապրիլի 11-ին մեկնարկեց «Կրթություն և կարիերա. էքսպո-2018» միջազգային ցուցահանդեսը, որտեղ առանձին տաղավարով ներկայացված էր նաև ԵՊԼՀ-ն:

«Երևան էքսպո»-ում 60-ից ավելի տաղավարներ կողք կողքի են, յուրաքանչյուրն իր յուրովի ասելիքով:

Ցուցահանդեսը փորձի փոխանակման, սեփական ձեռքբերումների վերագնահատման, մրցունակ և արդիական ծրագրերի ներդրման յուրօրինակ հարթակ է դարձել ուսումնական հաստատությունների, կրթական ծրագրեր իրականացնող միջազգային և տեղական կազմակերպությունների համար:

Արդեն ավանդական դարձած այս ցուցահանդեսն անցկացվում է 18-րդ անգամ: Այն  մի հարկի տակ է համախմբել կրթական ծառայություններ մատուցող  կազմակերպություններ՝ բուհեր (նաև ռազմական ուղղվածության), կրթահամալիրներ, ուսումնական կենտրոններ, կրթական ոլորտում աշխատող միջազգային կազմակերպություններ՝ բուհ-դիմորդ-աշխատաշուկա եռակողմ կամուրջ ստեղծելու համար:  

Ցուցահանդեսին մասնակցում են նաև Ռուսաստանի, Լեհաստանի և Լիտվայի բարձրագույն ուսումնական հաստատությունների ներկայացուցիչները: «Երևան էքսպո»-ի երկու հարկերում տեղակայված տաղավարներում շրջելու և ցուցահանդեսի բացման արարողությանը մասնակցելու էր եկել նաև ՀՀ ԿԳ փոխնախարար Վ. Մկրտչյանը: «Ես կարևորում եմ նմանաբնույթ ցուցահանդեսները, որտեղ հանդիպում են կրթությունն ու բիզնես ոլորտը: Ուսանողն ու գործարարը   նույն հարթակում են, ինչը տնտեսության զարգացման նախադրյալներից մեկն է»,- նշեց փոխնախարարը:

«Մեր տաղավարով հետաքրքրվողներն այս տարի ևս մեծաքանակ են, քանի որ այն աչքի է ընկնում մշակութային բազմազանությամբ: Այցելուներին հատկապես գրավում են տաղավարում ԵՊԼՀ-ի արտասահմանցի դասախոսների և ուսանողների ներկայությունը, որոնք ազգային տարազներով ներկայացնում են իրենց մշակույթը և ԵՊԼՀ-ում սովորելու առավելությունները: Բոլոր հետաքրքրվողներին մենք տրամադրում ենք ԵՊԼՀ-ի մասին պատմող տեղեկագրեր, որտեղ ներկայացված տեղեկատվությունը ամբողջական պատկերացում է տալիս մեր համալսարանի մասին»,- նշեց ԵՊԼՀ-ի տաղավարի պատասխանատուն:

Ցուցահանդեսի բացման հանդիսավոր արարողությունից հետո ԵՊԼՀ-ի ներկայացուցիչները մեկ ժամ տևողությամբ բաց դաս իրականացրին՝ ներկայացնելով համալսարանը»:

Տեղեկացնենք, որ կրթական ոլորտում գործող կազմակերպություններին ու նրանց մատուցած ծառայություններին հնարավոր կլինի ծանոթանալ մինչև ապրիլի 13-ը:

30688160_10209372791791451_1899518753280061497_n 20180411_125952 
IMG_0031 IMG_0025

Страница 1 из 64

БаннерБаннер
Баннер
Баннер
Баннер
Баннер
Баннер
Баннер